Душанбе, 19 март. - Рангҳои баробари сафед ва кабуди тира- баробаршавии шабу рӯз мебошаду дар як сол ду маротиба рух медиҳад ва нахустин баробаршавӣ 21 март ба амал меояд, ки ҳамзамон ифодакунандаи пирӯзии рӯшноӣ бар торикист. Сабза ва дурахши хуршед – ифшогари рӯзи нави беолоиш ва эҳёи табиат дар сайёраи ягонаи инсоният –Замин аст. Тоҷ- таҷассумкунандаи Ҷумҳурии Тоҷикистон чун яке аз аввалин кишвари ташаббускор дар дарёфти мақоми байналмилалии Наврӯз аз ҷониби Созмони Милали Муттаҳид мебошад.

Ҳамзамон, шакли росткунҷаи рамзи Наврӯз низ замима гардидааст, ки ба хотири ороиши наврӯзӣ мавриди истифода буда метавонад.

Рамзи Наврӯзи байналмилалии 2011 бо теъдоди 20 ҳазор дона ҳамчун нишони сарисинагӣ дар Чин сиккабардорӣ шудааст. Барои истеҳсоли он бо Қарори Раиси шаҳри Душанбе аз ҳисоби буҷети шаҳр беш аз 130 ҳазор сомонӣ сарф гаштааст.