Душанбе, 18 феврал. - Балети «Шелкунчик» маҳсули ҳамкории эҷодии бевоситаи композитор П. Чайковский бо муаллифи либретто ва хореографи маъруфи фаронсавӣ Мариус Петипа мебошад. Ин асари безавол зиёда аз сад сол инҷониб саҳнаҳои театрҳои калонтарини ҷаҳонро зеб медиҳад ва беҳтарин артистони балет тавассути мусиқии нафису ҷаззоб ва хореографияи нишонрасу фаҳмо ҳунару истеъдодашонро намоиш медиҳанд.
Қаҳрамони афсонаи нависандаи намоёни олмонӣ Э. Гофман, ки балети «Шелкунчик» дар асоси он эҷод шудааст, бо ҷидду ҷаҳд ва кӯшишу ғайрати иҷрокунандаи вазифаи сарбалетмейстер, барандаи Ҷоизаи озмуни байналмилалӣ Э. Акматов, дирижёри ҷавону умедбахш А Шоймуродов, ҳайати балети театр ва бо иштироки фаъолонаи толибилмони Коллеҷи ҷумҳуриявии хореографии ба номи М. Собирова бо ҳунару истеъдоди хеш ба намоишнома ҳусни нав бахшидаанд.