баргузор гардид.Тарғибу ташвиқи дастовардҳои давраи Истиқлолияти давлатии Ҷумҳурии Тоҷикистон ва инъикоси ҷараёни таҷлили бошукўҳи 20 солагии Истиқлолияти давлатии Ҷумҳурии Тоҷикистон яке аз мавзўъҳои асосии барномаҳои «Телевизиони Сафина» дар соли 2011 буд. Силсиланамоишҳои «Замзамаи ободӣ», «Башорат», «Нишон», «Вожазори маонӣ», «Раво», «Сиришт», «Муошират» «Ошёни меҳр», «Файзи истиқлол», «Тимсоли истиқлол», «Меҳрпайванд», «Сафинаи Сайҳун», «Дастовез» ва «Аз шаҳри ёрон», ки дар ин давра пахш гардиданд, вусъати корҳои бунёдкориву созандагӣ дар мамлакат ва дастовардҳои халқи тоҷикро тўли солҳои истиқлоли кишвар пурра фарогир буданд.
Дар ин давра дар барномаи иттилоотию таҳлилии «Навид» бо забонҳои тоҷикӣ ва русӣ ба таври доимӣ инъикоси саривақтии сафарҳои кориву расмии Сардори давлат ба дохил ва хориҷи мамлакат, сўҳбату мулоқот ва машваратҳои кории Ҷаноби олӣ, иштироки Президенти мамлакат дар корҳои ободонию созандагӣ ҷараён гирифт. Мавзўъҳои дигаре, ки пайваста дар мадди назари кормандони мо қарор доштанд, ин таҳияи маводҳо вобаста ба ҷараёни дар амал татбиқ намудани Қонуни Ҷумҳурии Тоҷикистон «Дар бораи танзими анъана ва ҷашну маросимҳо», омодагӣ ба давраи тирамоҳу зимистон, вусъати корҳои сохтмонӣ дар нақбҳои Шаҳристону Чормағзак, фаъолияти муассисаҳои маорифу фарҳанг ва дигар мавзўоти рўзмарра мебошанд. Дар барномаҳои «Мумтоз», «Муошират», «Раво», «Дид», «Сафинаи Сайҳун», «Меҳрпайванд», «Эҷод», «Чорсў», «Шаҳри ёрон», «Нози хаёл», «Ҳидоят» ва ғайра вобаста ба Қонуни Ҷумҳурии Тоҷикистон «Дар бораи масъулияти падару модар дар тарбияи фарзанд» сўҳбату мизҳои мудаввар ташкил карда шуданд. Дар арафаи ҷашни Истиқлолияти давлатии Ҷумҳурии Тоҷикистон барномаи озмунии «Зебосанам», ки тўли 6 моҳ идома дошт, ҷамъбаст гардид ва маросими ҷоизасупорӣ ба ғолибон дар Маҷмааи «Кохи Ваҳдат» баргузор шуд.
Дар давраи сипаригардида рўйдодҳои муҳимтарини варзишии кишвар пайваста инъикос гардида, тарғиби тарзи ҳаёти солим ва ҷалби ҷавонону наврасон ба бозиҳои гуногуни варзишӣ ҳадафи барномаҳои «Ҷасорат» ва «Масири варзиш» буд.
Фаъолияти Муассиса дар самти тарџума ва дубляжи филмҳо ба забони тоҷикӣ дар соли 2011 назаррас аст. Дар давоми сол 24 филми бадеӣ ва 38 филми мустанад ба забони тоҷикӣ тарҷума ва дубляж шуд, ки дар маҷмўъ 69 соату 38 дақиқаро ташкил дод. Дар баробари дубляжи филмҳо дар ин давра филмҳои бадеии «Хокпайванд», «Подошт» «Эҳзон» ва филмҳои мустанади «Ҳулбук», «Тахти сангин», «Мадрасаи Хоҷа Машҳад» таҳия гардиданд, ки аҳамияти тарбиявию омўзишӣ доранд. Дар масъалаи нашъамандӣ ва оқибатҳои ногувори он филми кутоҳмуддати бадеӣ-телевизионии «Фоҷиа» таҳия ва пахш гардид, ки ғолиби Озмуни Агентии назорати маводи нашъаовар шуд. Дар давоми соли 2011 бахшида Иди байналмилалии Наврўз, Рўзи Ваҳдати миллӣ, Рузи Конститутсия намоишҳои калонҳаҷми идона таҳия ва пахш гардиданд. Бахшида ба Соли нави мелодӣ низ тариқи «Телевизиони Сафина» барномаҳои идонаи «Барфреза», «Таронаи барф», «Лаззат», «Сапедадам», «Ҳазлниюш», «Сабоҳ» намоиш дода шуданд.
Муассисаи давлатии «Телевизиони Сафина» тасмим гирифтааст, ки ҷиҳати татбиқи воқеии сиёсати фарҳангии Давлату Ҳукумати Ҷумҳурии Тоҷикистон дар давоми соли 2012-ум чунин корҳои муҳиму саривақтиро ба иҷро расонад:
1. Ба истифода додани студияи барномаҳои иттилоотӣ ва сиёсӣ, ки шароит фароҳам меорад то иттилооти дорои аҳамияти ҷамъиятӣ фавран ва бо сифат ба аҳолӣ расонида шавад. Нақшаи дигари дар ояндаи наздик амалишаванда ин эҳёи дубораи барномаи иттилоотӣ бо забони англисӣ хоҳад буд.
2. Ташкили студияи дуюми маркази пахши барномаҳо ва муҷаҳҳаз намудани он бо техникаву технологияи ҷадиди муосири рақамӣ, ки барои пахши шабонарўзии (24 соат) намоишҳои телевизион шароит муҳайё месозад.
3. Омодагӣ ба Иди байналмилалии Наврўз. Таҳияи барномаҳои наву ҷолиби фарогири тамоми рукнҳои асосии ин Иди миллӣ. Ҳамчунин бо мақсади рангоранг намудани намоишҳо айни замон барномаҳои «Ҳукм», «Хонадон», «Кашшоф», «Ҳафт ахтар», «Бозёфт», «Ҷавҳар», «Далерон», «Ҷаҳони иқтисод», «Иртибот» дар ҷараёни таҳияанд.
4. Вусъат додани тарҷума ва дубляжи филмҳои бадеӣ, мустанад ва илмӣ-омўзишӣ ба забони тоҷикӣ. Ба роҳ мондани тарҷума дар субтитрҳо, ки аз чанд ҷиҳат бартариҳои худро дорад. Пеш аз ҳама сарфаи маблағ, вақти кам ва ғайра.
5. Таҳия ва банаворгирии ду филми бадеӣ-телевизионӣ ва филмҳои мустанад бахшида ба 15 солагии Рўзи Ваҳдати миллӣ ва 20 солагии Иҷлосияи таърихии 16-уми Шўрои Олии Ҷумҳурии Тоҷикистон;
6. Ташкили бунгоҳи хабарии Муассиса дар хориҷи кишвар.
Маҷмўан аҳли эҷоди Муассисаи давлатии «Телевизиони Сафина» азм доранд, ки дар давраи минбаъда дастовардҳои иқтисодиву иҷтимоии кишварамонро пурра инъикос намуда, бо таҳияи барномаҳои фарҳангӣ-маърифатӣ дар баланд бардоштани сатҳи маърифату фарҳанги мардум, ҷаҳонбинӣ ва ахлоқи ҳамидаи насли ҷавон саҳмгузор бошанд ва ба ин васила саҳми худро дар пешрафти Тоҷикистони азиз гузоранд.
