Душанбе, 29 ноябр. (ТВ "Сафина", З.Каримов) - Дар ҳамоиши мазкур намояндагони вазорату идораҳои дахлдор ва доираҳои иқтисодии Тоҷикистону аъзои коммисияи муштараки миёнмарзии Вилояти Мухтори Кўҳистони Бадахшон, вилояти Бадахшони Афғонистон ва вилояти Оши Ҷумҳурии Қирғизистон ширкат намуда, тайи ду рўз муҳимтарин масъалаҳои марбут ба равнақ ва муҳимияти савдои наздисарҳадиро матраҳ месозанд.
Бояд гуфт, ки дар давоми 7 соли охир бо мусоидати роҳбарияти олии сиёсии Тоҷикистон пулҳои байнисарҳадӣ миёни Тоҷикистону Афғонистон кушода шуданд, ки ин ба афзоиши гардиши молу маҳсулот байни ҳарду кишвар ва таъмини некўаҳволии сокинони ҳарду ҷониби марз мусоидати фаъол намуд.
Ба қавли масъулони тиҷорату савдо дар Вилояти Мухтори Кўҳистони Бадахшон танҳо дар як бозори наздисарҳадӣ ҳамарўза то 300 нафар аз як тараф ба фурўши молу коло машғуланд.
Зимнан гардиши ҳаррўзаи пул аз 80 то 150 ва солона тақрибан 4-5 миллион сомониро ташкил медиҳад. Ширкаткунандагони конфронси дуюми байналмилалии «Тиҷорати миёнмарзӣ асоси дўстӣ, ҳамкорӣ ва амният дар минтақа», инчунин масъалаи фаъол сохтани савдои наздисарҳадиро бо Ҷумҳурии Қирғизистон ва дигар кишварҳои ҳаммарз бо Тоҷикистонро матраҳ хоҳанд кард.