Анъанаҳои мақомхонӣ дар вилояти Суғд
21 ноябр 2011 | Хонданд: 229 нафар | Фарҳанг
Дар доираи силсилабарномаи «Маҳфили мусиқишиносӣ», ки пайваста дар толори консертии Иттифоқи оҳангсозони Тоҷикистон баргузор мешавад, ин навбат ҳамоише дар мавзўи «Анъанаҳои мақомхонӣ дар вилояти Суғд»
ташкил кара шуд.
Душанбе, 21 ноябр. (ТВ "Сафина" М. Ҳусейнов) - Дар он устоди Донишгоҳи давлатии шаҳри Хуҷанд ба номи Бобоҷон Ғафуров Султоналӣ Худоибердиев, ҳунарманди халқии Тоҷикистон Абдураҳим Шерматов ва дигар овозхонону мусиқишиносони вилояти Суғд ширкат варзиданд. Қайд гардид, ки дар ин минтақаи ҷумҳурӣ анъанаҳои мақомхонӣ таърихи тўлонӣ дорад ва ҳар як шаҳру навоҳии вилоят тарзи навозишу сурудани махсуси худро доранд. Дар ҷараёни баргузории ин маҳфили фарҳангӣ чанд суруду оҳангҳои маъруфро низ пешниҳоди тамошобинон гардониданд. Ҳунармандони шинохтаи Ҷумҳурии Исломии Эрон низ, ки дар доираи барномаи «Устоду шогирд» ба Тоҷикистон даъват гардидаанд, дар маҳфил ширкат варзида, доир ба ҷанбаҳои асбобҳои мусиқии миллии кишвараш маълумот дод ва чанд оҳанги дилнишинро ҳам пешниҳоди баҳамомадагон гардонид.
