Муассисаи фарҳангии ЭКО нишони тиллоии Фирдавсиро ба Аъзам Хуҷаста, шоир ва таҳлилгари масоили сиёсӣ тақдим кард.
Душанбе, 3 ноябр. - Шоҳмансури Шоҳмирзо – корманди намояндагии Тоҷикистон дар муассисаи фарҳангии ЭКО итилоъ дод, ки нишони Фирдавсӣ, ҳамроҳ бо акси Ҳаким Абулқосими Фирдавсӣ барои шахсиятҳо ва чеҳраҳои шинохтаи фарҳангии минтақа, ки дар ташаккули илму фарҳанг саҳми беназир гузоштаанд, тақдим мегардад.
Бояд тазаккур дод, ки шоири тоҷик Аъзам Ҳуҷаста се маҷмӯаи шеърҳои худро таҳти унвони «Чашмаи шоир», «Соярӯшан» ва «Чашмаи зулол» дар Тоҷикистон ва Эрон нашр намуда, имрӯз яке аз шоирони пурмаҳсул дар ҳалқаҳои форсигӯи минтақа ба шумор меравад.
Ба иттилои Ш. Шоҳмирзо, муассисаи фарҳангии ЭКО дар оянда маҷмӯаи дигари шоирро низ нашр хоҳад кард.
