Душанбе, 19 июл. - То имрӯз перомуни либоспўшии занони ҷаҳон дар кишварҳои мухталиф 80 филм офарида шудааст. Ин навбат шабакаи «ART» тасмим гирифтааст, ки тарзи либоспўшии занони тоҷикро филмбардорӣ намояд.
Коргардони филмҳо занони тоҷикро дар манотиқи гуногуни кишвар бо либосҳои маросимӣ наворбардорӣ карда, тасмим гирифтааст гулдухтарони тоҷикро, ки бо авиатсия сару кор доранд, ба навор гирад.

Бо ин мақсад дирўз духтарони фурудгоҳи Душанбе ва Ширкати ҳавопаймоии «Сомон- Эйр» наворбардорӣ шуданд. Бояд гуфт, ки филм дар вақти корӣ тавре бардошта мешуд, ки ба фаъолияти меҳнатии духтарон ва амнияти авиатсионӣ халал ворид намешуд. Филми мазкур то моҳи ноябри соли ҷорӣ бояд рўи экран барояд, - гуфт коргардон Гулбаҳор Мирзоева.