Идораи тиҷорат ва рекламаи Муассисаи давлатии «Телевизиони Сафина» дар пешрафти фаъолияти рўзмарраи Муассиса нақши муҳим дорад. Кормандони идора бо риояи талаботи Қонуни Ҷумҳурии Тоҷикистон «Дар бораи телевизион ва радиошунавонӣ», Қонуни Ҷумҳурии Тоҷикистон «Дар бораи реклама» ва дар асоси Низомномаи дохилии Муассиса кўшиш ба харҷ медиҳанд, ки вазифаҳои ба зимма доштаашонро саривақт иҷро намоянд.

Аҳли идора ба хубӣ дарк менамояд, ки дар шароити имрўзаи бўҳрони молиявии ҷаҳонӣ аз фаъолияти пурсамари онҳо дар маҷмўъ фаъолияти Муассиса вобастагии зиёд дорад. Зеро изофамаоши як қисм кормандон, таъмиру навсозии ҷорӣ ва дигар чорабиниҳо асосан аз ҳисоби маблағҳои воридкардаи идораи тиҷорат ва реклама иҷро карда мешаванд.

Айни замон дар идораи мазкур 8 нафар фаъолияти меҳнатӣ доранд. Сарварии идораро мутахассиси лаёқатманд Абдуллоев Валихон Шарифович ба ўҳда дорад, ки номбурда дар ин бахш соҳиби таҷрибаи хуби корӣ мебошад.

Кормандони идора тибқи нақшаи корӣ тасмим гирифтаанд, ки вобста ба талабот ва риояи меъёрҳои рақобати солим бо дигар шабакаҳои телевизионӣ дар бозори таблиғи молу маҳсулоти истеҳсоли ватанӣ ва хориҷӣ, ҳамчунин кору хизмарасонӣ сатҳу сифати фаъолияти худро беҳтар намоянд. Бо ин мақсад силсилаи нави роликҳои таблиғотӣ омода карда шуд.

Доираи хизматрасонии мо васеъ буда, дар баробари таблиғи молу маҳсулот ва хизматрасониҳо тавассути роликҳои рекламавӣ, ҳамчунин имкони таҳти сарпарастии корхонаву ташкилот таҳия намудани барномаҳои махсус оид ба фаъолияти корхонаву муассисаҳои мухталиф ва ё мавзўҳои ҷудогона мавҷуд аст.

Санъаткорон метавонанд тибқи шартнома видеороликҳои худро, ки ҷавобгўи талабот мебошад, пешкаши тамошобинон намоянд. Шакли дигари хизматрасонии мо таввасути сатри равон (бегущая строка) ва телереклама амалӣ мешавад, ки ин тарзи хизматрасонӣ барои муштариён бисёр қулай аст.

Бояд гуфт, ки дар пешрафт рўзмарраи фаъолияти саҳми кормандон Аҳмадхонов Рустам, Юсупов Неъматулло, Маҳмадраҳим Саидов, Элмуродов Алишер ва дигарон назаррас мебошанд.