Мудирияти муассисаи давлатии Боғи ҳайвоноти Душанбе тасмим гирифтааст, ки дар оянда бо дастгирии шаҳрдории Душанбе ба боғ аз хориҷи кишвар ҳайвони бузургҷусса-филро ворид созад.
Душанбе, 2 август. - Чанде пеш ба боғи ҳайвонот аз шаҳри Чимкенти Қазоқистон ба ивази чор паррандаи нодир- ду сар уқоби ришдор ва 2 сар калмурғ баҳмут оварда шуд, ки он 7 сол дорад. Назар ба иттилои Назаралӣ Сатторов, директори Боғи ҳайвоноти Душанбе баҳмут бо лақаби Турсунбой маъмул буда, вазнаш 1, 5 тонна аст ва дар як рӯз то 50 килограмм сабзавоту гӯшти моҳӣ мехӯрад. Бо ворид намудани ин ҳайвони нодир теъдоди тамошобинони боғи ҳайвонот хеле афзуд, гуфт Н. Сатторов.
Дар Боғи ҳайвоноти Душанбе, ки соли 1960 таъсис ёфтааст, алҳол 130 намуди ҳайвонот нигоҳ дошта мешаванд, ки теъдодашон ба 1000 сар мерасад. Боғи ҳайвоноти Душанбе ҷиҳати таъмини ҳайвонҳо бо хӯрокӣ бо як қатор хоҷагиҳои деҳқонию фермерии ҷумҳурӣ қарордоди ҳамкорӣ имзо кардааст. Ҳамкории Боғи ҳайвоноти Душанбе бо дигар Боғҳои ҳайвоноти кишварҳои хориҷӣ беш аз пеш густариш меёбад. Ин боғ узви Ассотсиатсияи аврупоии минтақавии боғҳои ҳайвонот ва аквариумҳо мебошад.
