Дар Шўъбаи бойгонии Муассисаи давлатии «Телевизиони Сафина» сабти аксу овоз ва синамо, филмҳои бадеию ҳуҷҷатӣ, ки арзиши илмӣ, таърихию фарҳангӣ доранд, инчунин маҳсули эҷоди кормандони Муассиса нигоҳ дошта мешаванд. Хазинаи бойгонӣ пайваста бо барномаҳои ҷолибу тозаэҷод пурра мегардад. Шўъба бо таҷҳизоти рақамӣ муҷҷаҳаз аст, ки тамошои пешакӣ, нусхабардорӣ ва омода кардани сабтҳоро барои пахш дар эфир имкон медихад.

Мувофиқи санади мубодилавии дипломатӣ (обменная нота) миёни Ҳукумати Ҷумҳурии Тоҷикистон ва Ҳукумати Ҷопон аз 04.11.2008с ба Муассисаи давлатии «Телевизиони Сафина» аз ҷониби Ҳукумати Ҷопон, дар шакли барномаҳои телевизионии ширкати «NHK International Ink.» 289 филми ҳуҷҷатии бо сифати баланд сабтшуда дастрас гардид, ки ин филмҳо дар бораи фарҳанг ва иқтисодиёти Ҷопон маълумот медиҳанд.