Муҳофизати моҳиҳо дар Суғд
13 май 2011 | Хонданд: 534 нафар | Кишоварзӣ
Аз ба тасвиб расидани қарори раиси вилояти Суғд Қоҳир Расулзода аз 4 апрели соли 2011 «Оид ба гузаронидани чорабиниҳои ҳифзи моҳӣ дар давраи тухмгузории соли 2011» як моҳ сипарӣ шуд.
Душанбе, 13 май. - Тавре аз ситоди вилоятӣ иттилоъ доданд, дар ин муддат аз ҷониби аъзои гурӯҳи корӣ 69 маротиба рейдҳои санҷишиву назоратӣ доир гардида, аз тарафи нозирони Раёсати ҳифзи муҳити зист ва шӯъбаю бахшҳои зертобеи дар шаҳру ноҳияҳо будаи он 26 санад ва 16 протокол тартиб дода шуд.
Ба вайронкунандагони қонун ба маблағи 7 ҳазору 105 сомонӣ ҷарима таъин карда шуд. Ҳамчунин 1 ҳазору 426 метр тӯри моҳигирӣ, 10 адад аслиҳаи шикори моҳӣ мусодира гардид.
