Соли ҷорӣ дурнамои кишти пахта дар ҷумҳурӣ 210 ҳазор гектарро ташкил медиҳад, ки аз ин миқдор дар 10 ҳазор гектар пахтаи навъи маҳиннах кишт шудааст.
Душанбе, 4 май. - Дар ҷумҳурӣ то санаи 03.05.2011 дар як рӯз 707 гектар ва аз аввали мавсим дар 202 ҳазору 80 гектар чигит кишт шудааст, ки баробари 96,2 фоизи дурнамо буда, нисбат ба соли гузашта 48 ҳазору 525 гектар зиёд аст.
Дурнамои кишти пахта дар вилояти Хатлон соли ҷорӣ 130 ҳазору 500 гектар буда, аз аввали мавсим то санаи зикргардида майдони 125 ҳазору 735 гектар кишт шудааст, ки аз ин 2293 гектараш навъи маҳиннах мебошад.
Дар вилояти Суғд дурнамои кишти пахта 62 ҳазору 500 гектар буда, аз ин 650 гектарро навъи маҳиннах ташкил медиҳад. Аз аввали мавсим дар майдони 65 ҳазору 115 гектар чигит кишт шудааст, ки 104 фоизи иҷрои дурнаморо дар бар мегирад. Миқдори тухмипошакҳо дар вилоят ҳамагӣ 842 ададро ташкил медиҳад.
Соли ҷорӣ дурнамои кишти пахта дар ноҳияҳои тобеи ҷумҳурӣ 17 ҳазор гектар мебошад. Дар як рӯз 66 гектар, аз аввали мавсим дар майдони 11 ҳазору 230 гектар кишти чигит гузаронида шудааст.
