Дар минтақаҳои поёнии ноҳияҳои Дарвоз ва Ванҷ маъракаи ниҳолшинонӣ ба таври оммавӣ оғоз ёфт.
Хоруғ, 18 март. – Дар ҳафтаи аввали оғози ин кор дар ноҳияи Дарвоз 7 ҳазор ва дар ноҳияи Ванҷ якуним ҳазор бех ниҳоли мевадиҳанда ва сояафкан шинонида шуд. Дар ноҳияҳои дигари вилоят дар даҳрӯзаи охири моҳи март ба ин кор шурӯъ мекунанд.
Рӯзҳои наздик дар шаҳри Хоруғ ярмаркаи фурӯши ниҳоли дарахтони мевадиҳанда, сояафкан ва ороишӣ гузаронида мешавад. Мувофиқи маълумоти раёсати ҳифзи муҳити зисти вилоят дар мавсими имсола дар қаламрави вилоят 450 ҳазор бех ниҳол, аз ҷумла 75,5 ҳазор ниҳоли мевадиҳанда ва 2,5 ҳазор ниҳолу буттаҳои ороишӣ шинонида мешаванд.
