Аҳли оилаи Абдувосит Ғафуров, сокини деҳаи Қулангири ноҳияи Ғафуров ҳар сол дар фасли сармо дар гармхонаи зериплёнкагии замини наздиҳавлигии худ навъҳои гуногуни сабзаҷот парвариш менамоянд.
Cуғд, 1 март. - Дар мавсими имсола 5 нафар узви ин оила дар 5 гармхонаи зериплёнкагӣ шибит, гашниз, райҳон, пиёзи сабз, сирпиёз, туршак, сабзавоти барвақтии каламфури булғорию боқило парвариш намуданд. Кӯчати помидори гармхонаҳои ин оила аз дигарон пештар ба бозор бароварда мешавад. Ин кор ҳам фаровонии бозор ва ҳам даромад ба оила аст.
Аҳли оилаи Султон Боқиеви ҳамин ноҳия дар гармхонаи бо усули хосса сохтаашон ба одамон зебоӣ мебахшанд. 6 нафар узви ин оила дар гармхонаи масоҳаташ 5 садяк гул парвариш менамоянд. 10 ҳазор дона мехчагулҳои сурху сафеди гармхонаи Боқиевҳо аз таровату насими баҳор мужда медиҳад ва дастагулҳои онҳо беҳтарин тӯҳфа ба модарон хоҳад буд.
