Дар Тоҷикистон ҷамъоварии ҳосили ғалла идома дорад. То имрӯз беш аз 500 ҳазор тонна ғалла ҷамъоварӣ шудааст, ки 96 фоизи нақшаи пешбинишударо ташкил медиҳад.
Душанбе, 27 октябр. - Дар ин бора дар Вазорати кишоварзии Ҷумҳурии Тоҷикистон иттилоъ доданд.
Мувофиқи суханони манбаъ, ҳосили ғаллаи масоҳати 255 ҳазор гектар замин ҷамъоварӣ шудааст, ки 82 фоизи масоҳати умумии киштзори ғалларо ташкил медиҳад. Хотирнишон месозем, ки имсол масоҳати умумии ғаллазор баробари беш аз 300 ҳазор гектар аст.
Дар вилояти Суғд ҳосили ғаллаи 62 ҳазор гектар, дар вилояти Хатлон 135 ҳазор гектар, дар ноҳияҳои тобеи ҷумҳурӣ ҳосили масоҳати 51 ҳазор гектар ҷамъоварӣ шудааст. Ғайр аз ин имсол дар масоҳати 210 ҳазор гектар гандум кишт шуда, ҳосили 195 ҳазор гектари он ҷамъоварии гардидааст.
