Имсол майдони умумии кишти зироати баҳорӣ дар корхонаҳои кишоварзию хоҷагиҳои деҳқонии вилояти Суғд 173 ҳазору 989 гектарро дар бар гирифта, баробари 104,7 фоизи сатҳи соли баробар аст.
Душанбе, 13 октябр. - Аз ҷумла, майдони кишти пахта 65 402 гектар буда, нисбат ба соли гузашта 11 ҳазору 140 гектар зиёд мебошад.
Дар натиҷаи меҳнати муташаккилона то ин дам дар ҳамаи шаклҳои хоҷагидории вилоят ҳаҷми умумии истеҳсоли маҳсулоти кишоварзӣ ба 2936,6 млн.сомонӣ расонида шуд, ки аз ин 2990,2 млн.сомониаш ба соҳаи растанипарварӣ ва 646,5 млн.сомонии дигар ба соҳаи чорводорӣ рост меояд. Дар маҷмӯъ нисбат ба ҳамин давраи соли гузашта маҳсулоти соҳа 107,9 фоизро ташкил медиҳад.
Аз Сарраёсати кишоварзии вилояти Суғд хабар доданд, ки хушксолии соли ҷорӣ ба ғалла таъсири манфӣ расонида, тибқи маълумоти оморӣ то 1 октябри соли 2011 ҳаҷми истеҳсоли ғалла дар ҳамаи шаклҳои хоҷагидорӣ 122 ҳазору 272 тоннаро ташкил дод, ки нисбат ба ҳамин давраи соли гузашта 57,8 фоиз ё 89 399 тонна кам аст.
